انگلینڈ 158 رن پر ڈھیر، ہندوستان نے 246 رنز سے جیتا وشاکھاپٹنم ٹیسٹ

ہندوستان نے انگلینڈ کے خلاف وشاكھاپٹنٹم ٹیسٹ 246 رنز سے جیت لیا ہے۔ آج ٹیسٹ کے آخری دن انگلینڈ کی پوری ٹیم 158 رنز پر ڈھیر ہو گئی۔ پہلی اننگز میں انگلینڈ نے 255 رنز بنائے تھے۔ ہندوستان کی جانب سے اس اننگز میں اسپنر جینت یادو اور آر اشون نے سب سے زیادہ 3-3 وکٹ لئے۔ اس کے علاوہ محمد سمیع اور روندر جڈیجہ نے 2-2 وکٹ لئے۔ اشون نے میچ میں سب سے زیادہ 8 وکٹ لئے۔ اسی کے ساتھ ہندوستان 5 ٹیسٹ کی سیریز میں 1-0 سے آگے ہو گیا ہے۔ آج ہندوستانی



گیند بازوں کے آگے بے بس انگلینڈ نے 405 رنز کے ہدف کا تعاقب کرتے ہوئے لنچ تک 142 رنز پر ہی سات وکٹ گنوا دیئے تھے۔ لنچ کے بعد اشون نے ظفر انصاری کو صفر پر بولڈ کر پویلین بھیج دیا۔ انگلینڈ کا اسکور 8 وکٹ پر 143 رن ہو گیا۔ 98 ویں اوور میں جینت یادو نے اسٹیورٹ براڈ کو آؤٹ کر انگلینڈ کو نواں جھٹکا دیا۔ اگلی ہی گیند پر جینت نے آخری بلے باز کو بھی ایل بی ڈبلیو آؤٹ کر جیت ہندوستان کے نام کر دی۔ آخری دونوں وکٹوں پر ڈی آر ایس کا سہارا لیا گیا تھا۔